- वि.सं २o८३ असोज १३ मंगलबार
कामना सेवा विकास बैंक लिमिटेडका महिला कर्मचारीले विभिन्न होल्डिङ सेन्टरमा रहेका भोटेकोशी बाढी प्रभावितलाई सरसफाइ तथा व्यक्तिगत स्वच्छतासम्बन्धी सामग्री सहयोग गरेका छन् । उक्त सामग्री बैंकको मानव संसाधन विभागकी रुबी श्रेष्ठले काठमाडौंका विभिन्न होल्डिङ सेन्टरमा रहेका प्रभावितलाई हस्तान्तरण गरेकी हुन् ।
बैंकका अनुसार प्राकृतिक विपत्का कारण विस्थापित तथा प्रभावित परिवारको स्वास्थ्य, सरसफाइ तथा व्यक्तिगत स्वच्छतासम्बन्धी तत्कालीन आवश्यकतालाई मध्यनजर गर्दै उक्त सहयोग गरिएको हो । विपत्मा खाद्यान्न, आवास तथा अन्य राहत सामग्रीसँगै स्वास्थ्य तथा सरसफाइ सामग्रीको आवश्यकतासमेत महत्वपूर्ण हुने भएकाले दैनिक जीवनलाई सहज हुने अभिप्रायका साथ उक्त सहयोग प्रदान गरिएको हो,’ बैंकले भनेको छ ।
