- वि.सं २o८३ भदौ १० बुधबार
भोटेकोशी नदीमा आएको बाढीले रसुवागढीस्थित अध्यागमन कार्यालयमा कार्यरत चार कर्मचारी पनि सम्पर्कविहीन भएका छन्। कार्यालय प्रमुख रहेका अध्यागमन अधिकृत यादव भण्डारीसहित नासु दुर्गाप्रसाद पोखरेल, खरिदार पार्वती मानन्धर र एक कार्यालय सहयोगी सम्पर्कविहीन बनेको अध्यागमन विभागका महानिर्देशक रामचन्द्र तिवारीले बताए।
बाढीको समयमा उनीहरू कार्यालयमै थिए। करिब ८० वटा डिपार्चरसमेत जारी गरिसकेको विभागले जनाएको छ। सो कार्यालयमा अध्यागमनमा पाँच कर्मचारी कार्यरत रहेकामा एक भने बिदामा थिए। बाढीले अध्यागमन कार्यालय पनि बगाएको छ।
रसुवा भन्सारका १५ कर्मचारी पनि सम्पर्कविहिन रहेको अर्थ मन्त्रालयले जनाएको छ।
