- वि.सं २o८३ श्रावण १६ शनिबार
पाकिस्तानको कराकोरम हिमशृंखलामा रहेको ८,०४७ मिटर अग्लो ब्रोड पिक हिमालमा गएको हिमपहिरोमा परेर विश्व कीर्तिमानी नेपाली पर्वतारोही निर्मल पुर्जा (निम्स दाइ) को निधन भएको पुष्टि भएको छ। लाइट एक्सपेड संस्थाले शनिबार निधन भएको पुष्टि गरेको हो।
गत बिहीबार (१४ साउन) दिउँसो आएको हिमपहिरोमा पुर्जासहित १० जना आरोही बेपत्ता भएका थिए। तीमध्ये ६ जना नेपाली थिए। शुक्रबार चारजनाको शव फेला परेपछि खोजी कार्य जारी रहँदा अन्ततः निर्मल पुर्जाको निधन भएको पुष्टि भएको हो।
निर्मल पुर्जा सो अभियानका टोली नेता थिए। सन् २०१९ मा उनले विश्वका ८,००० मिटरभन्दा अग्ला सबै १४ हिमाल केवल ६ महिना ६ दिनमै आरोहण गरेर विश्व कीर्तिमान कायम गरेका थिए। उनको यो उपलब्धिले नेपाललाई विश्व पर्वतारोहण इतिहासमा नयाँ उचाइमा पुर्याएको थियो।
विश्वको १२औँ अग्लो हिमाल ब्रिड पिक कठिन र जोखिमपूर्ण आरोहण मार्गका कारण अनुभवी आरोहीहरूका लागिसमेत चुनौतीपूर्ण मानिन्छ।
