रात्रिकालीन ड्युटीमा खटिने नर्सको भत्ता दोब्बर बनाइने

आगामी आर्थिक वर्षमा सरकारले नर्सिङ कर्मचारीको रात्रिकालीन भत्ता र स्वास्थ्य स्वयंसेविकाको यातायात खर्चमा वृद्धि गर्ने घोषणा गरेको छ । 

शुक्रबार संघीय संसदमा आर्थिक वर्ष ०८३/८४ को बजेट वक्तव्य प्रस्तुत गर्दै अर्थमन्त्री डा. स्वर्णिम वाग्ले यस्तो घोषणा गरे ।

आगामी आवमा नर्सिङ कर्मचारीले पाउँदै आएको रात्रिकालीन भत्ता दोब्बर बनाइनेछ । हाल महिला स्वास्थ्य स्वयंसेविकाहरूलाई सरकारले दिँदै आएको यातायात शुल्क पनि वृद्धि गरिएको छ ।