राष्ट्रिय जनता पार्टी, नेपालले स्थानीय तहमा कर्मचारी नियुक्तिका लागि खुलाइएको विज्ञापन तत्काल खारेज गर्न लोकसेवा आयोगलाई दवाव दिएको छ ।
राष्ट्रिय जनता पार्टी, नेपालका नेता अनिलकुमार झाले सो विज्ञापन तत्काल नगरे सरकार, देश, व्यवस्था र मुलुकलाई फाईदा नगर्ने बताए । बुधबार प्रतिनिधिसभाको बैठकमा उनले समावेशी सिद्धान्तमा आधारित रहेर सो विज्ञापन पुनः खुलाउने आवश्यक व्यवस्था मिलाउन सरकारको ध्यानाकर्षण गराए । नेता झाले संविधानले जनजाति, दलित, मधेशी, महिला, पीछडिएका क्षेत्रलाई आरक्षणको व्यवस्था गरेपनि त्यस अनुसार विज्ञापन नखुलाइएकाले आफ्नो पार्टीले विरोध गर्नु परेको बताए ।
नेता झाले सरकारले राज्य व्यवस्था तथा सुशासन समितिले दिएको निर्देशन अनुसार सो विज्ञापन खारेज गर्न पहल नगरेर बाल हठ देखाएको आरोप लगाए ।