Skip This
नेपाल बैंक र भक्तपुर, कौशलटारस्थित भक्तपुर इन्टरनेसनल हस्पिटलबिच विशेष छुट प्रदान गर्नेसम्बन्धी सम्झौता भएको छ । सम्झौतापत्रमा बैंकका बजारीकरण तथा अनुसन्धान डिभिजन प्रमुख विश्वराज भण्डारी र हस्पिटलका प्रमुख कार्यकारी अधिकृत रामजीकुमार श्रेष्ठले हस्ताक्षर गरे । बैंकका कर्मचारी तथा ग्राहकले अस्पतालका विविध सेवामा ५ देखि २० प्रतिशतसम्म छुट पाउने उक्त सम्झौतामा उल्लेख छ ।
ग्राहकले ओपिडी, गाइनो तथा फर्टिलिटी, डायग्नोस्टिक एन्ड न्युट्रिसन, इन्डोस्कोपी, कोलोनोस्कोपी, इसिजी, इइजी, प्लमनरी, एक्सरे, अल्ट्रासाउन्डजस्ता सेवामा छुट पाउनेछन् । त्यस्तै इको, डेन्टल, सानो तथा ठुलो शल्यक्रिया, ब्रेन तथा न्युरोलगायतका सेवामा पनि ग्राहकले ५ देखि २० प्रतशित छुट पाउने सम्झौता भएको छ ।
