Skip This
सर्वोच्च अदालतले रास्वपा सभापति रवि लामिछानेलाई थुनामा पठाउने उच्च अदालतको आदेशको कैफियत प्रतिवेदन माग गरेको छ।
आइतबार सर्वोच्चका न्यायाधीश टेकप्रसाद ढुंगानाको इजलासले उक्त आदेशको कैफियत प्रतिवेदन झिकाउन भनेको हो।हाल भैरहवा कारागारमा रहेका लामिछानेले गत शुक्रबार मात्रै आफूलाई थुनाबाहिर राखेर मुद्दाको पुर्पक्ष गर्नुपर्ने माग राख्दै सर्वोच्चमा पुनरावेदन निवेदन दर्ता गराएका थिए।
बुटवलको सुप्रिम सहकारीको मुद्दामा जिल्ला अदालतले लामिछानेसँग एक करोड रुपैयाँ धरौटी माग गरेकोमा सो आदेश उल्टाउँदै उच्चले उनलाई थुनामा पठाउने आदेश गरेको थियो।
