- वि.सं २o८१ चैत २२ शुक्रबार
उच्च अदालतको आदेशसँगै रवि लामिछानेलाई प्रहरीले नियन्त्रणमा लिएको छ । शुक्रबार बेलुका बुढानीलकण्ठस्थित घरमै पुगेर प्रहरी टोलीले उनलाई नियन्त्रणमा लिएको हो । काठमाडौं उपत्यका अपराध अनुसन्धान कार्यालय र महाराजगञ्ज वृत्तको टोलीले उनलाई नियन्त्रणमा लिएको हो। घरबाट कहाँ लैजाने विषयमा छलफल चलिरहेको एक प्रहरी अधिकारीले बताए।
लामिछानेले फेसबुकमार्फत अदालतको आदेशको सम्मान गर्दै गिरफ्तारी दिने बताएका थिए । उनलाई जिल्ला अदालत, रुपन्देहीमा उपस्थित गराई कारागार चलान गर्ने प्रहरी तयारी छ।
उच्च अदालत तुलसीपुरको बुटवल इजलासले लामिछानेलाई थुनामा पठाउने आदेश दिएको हो। बुटवलकाे सुप्रिम सहकारीको मुद्दामा यसअघि जिल्ला अदालतले उनीसँग एक करोड रुपैयाँ धरौटी माग गरेको थियो। सो आदेश उल्टाउँदै उच्चले उनलाई थुनामा पठाउने आदेश गरेको हो।
