- वि.सं २o८१ चैत २२ शुक्रबार
उच्च अदालतको आदेशलगत्तै पक्राउ परेका राष्ट्रिय स्वतन्त्र पार्टीका सभापति रवि लामिछानेलाई जिल्ला प्रहरी परिसर, काठमाडौंको हिरासतमा राखिएको छ । आजै भैरहवा लैजान सम्भव नभएपछि उनलाई काठमाडौंमै थुनामा राखिएको हो ।
सुप्रिम सहकारीको मुद्दामा उनलाई उच्च अदालत बुटवलले थुनामा राख्ने आदेश दिएलगत्तै प्रहरी टोलीले हात्तीगौँडास्थित उनको घर पुगेर पक्राउ गरेको हो । उनलाई शनिबार भैरहवा लगिने प्रहरीले जनाएको छ।
गिरफ्तारी दिनेभन्दा पनि आफूलाई राति घरमा आएर पक्राउ गरिएकोमा लामिछानेले आफूमाथि राज्यआतंक भएको बताएका छन्।
