- वि.सं २o८१ चैत २२ शुक्रबार
इन्डियन प्रिमियर लिगमा कोलकाता नाइट राइडर्सले फराकिलो जित निकालेको छ । इडेन गार्डेनमा घरेलु टोलीले बिहीबार सनराइजर्स हैदराबादलाई ८० रनले हराउँदै दोस्रो जित निकाल्यो । पहिलो ब्याटिङ गरेको कोलकाताले निर्धारित २० ओभरमा ६ विकेट गुमाउँदै २०१ रनको लक्ष्य प्रस्तुत गरेको थियो । प्रत्युत्तरमा हैदराबादले १६.४ ओभरमा सबै विकेट गुमाउँदा मात्र १२० रन बनायो ।
दोस्रो जितपछि कोलकाता ४ अंकसहित पाँचौँ स्थानमा उक्लिएको छ । यसअघि पहिलो खेलमा कोलकाता रोयल च्यालेन्जर्स बेंगलुरु (आरसिबी)सँग सात विकेटले पराजित हुँदा दोस्रो खेलमा राजस्थान रोयल्सलाई ८ विकेटले हरायो । तेस्रो खेलमा भने मुम्बई इन्डियन्ससँग ८ विकेटले पराजित भएको हो ।
यता, हैदराबाद तेस्रो हारपछि २ अंकसहित पुछारमा छ । पहिलो खेलमा राजस्थान रोयल्सलाई ४४ रनले हराउन सफल भएको थियो । त्यसपछि लखनउ सुपर जायन्टसँग पाँच विकेट र दिल्ली क्यापिटल्ससँग सात विकेटले पराजित भएको थियो । आइपिएलको १५औँ खेलमा हैदराबादका लागि कामिन्दु मेन्डिसले ३७ तथा हेनरिक क्लासेनले ३३ रनको योगदान थिए । कोलकाता का लागि अंक्रिस रघुवंशी र वेंकटेस अयरले अर्धशतक बनाए ।
