- वि.सं २o८१ चैत २२ शुक्रबार
बिहीबार सेयर बजारमा पौने आठ अर्बको कारोबार भएको छ । २७ फागुनमा आठ अर्ब ३१ करोड रुपैयाँको सेयर किनबेच भएयता ठुलो कारोबार हुन सकिरहेको थिएन । बिहीबार (२१ चैत) कारोबार बढेर सात अर्ब ७६ करोड रुपैयाँको सेयर किनबेच भएको हो । बिहीबार सबैभन्दा धेरै हिमालयन रिइन्स्योरेन्सको ७२ करोड ३२ लाख रुपैयाँबाराबरको सेयर किनबेच भएको छ । नेपाल पुनर्बिमा कम्पनीको सेयर कारोबार ५५ करोड ९९ लाखको छ । एनआरएन इन्फ्रास्ट्रक्चरको ४२ करोड ९७ लाखको सेयर किनबेच भयो ।
बिहीबार नेप्से परिसूचक ३.३५ अंक (०.१२ प्रतिशत)ले बढेर २७०३.३९ प्रतिशत कायम भएको छ । अधिकांश परिसूचक घटे पनि बैंकिङ, जलविद्युत्, निर्जीवन बिमा र अन्य समूहका परिसूचक बढ्दा समग्रमा नेप्से परिसूचक बढेको छ । बैंकिङ समूहको परिसूचक ०.९६ प्रतिशतले बढेको छ भने जलविद्युत् समूहको ०.०३ प्रतिशत, निर्जीवन बिमा समूहको ०.५९ प्रतिशत र अन्य समूहको परिसूचक १.४५ प्रतिशतले बढेको छ ।
