- वि.सं Invalid date format
एनसेल नेपाल सुपर लिग (एनएसएल) सिजन ३ को अवसरमा एनसेल फाउन्डेसनले प्रत्येक एक गोलबराबर २५ शैक्षिक सामग्री वितरण गर्ने घोषण गरेको छ । यो पहल विषेशगरी देशका दुर्गम क्षेत्रका विद्यालयमा अध्ययनरत विद्यार्थीको स्रोतको अभावलाई घटाउँदै, गुणस्तरीय शिक्षाका लागि योगदान पुर्याउने फाउन्डेसनको प्रतिबद्धतामा आधारित रहेको बताइएको छ ।
मंगलबारसम्म खेलिएका खेल र त्यसको नतिजाअनुसार फाउन्डेसनले ११ गोलबापत २७५ शैक्षिक सामग्री वितरण गर्ने सुनिश्चित भइसकेको छ । यसरी वितरण हुने सामग्रीहरूमा झोला, कापी, सिसाकलम, सार्पनर, इरेजरजस्ता आवश्यक शैक्षिक सामग्री रहनेछन् । यसले स्रोतसाधन अभाव भएका समुदायका विद्यार्थीहरूलाई उनीहरूको सिकाइ अनुभव सुधार गर्न योगदान पुर्याउने लक्ष्य राखेको छ ।
एनसेल फाउन्डेसनले खेललाई शैक्षिक सहयोगसँग जोड्दै आइरहेको छ । यसअघि नेपाल प्रिमियर लिग (एनपिएल)मा फाउन्डेसनले प्रत्येक एक चौकाबराबर चारवटा शैक्षिक सामग्री वितरण गर्ने सुनिश्चत गरेको थियो । त्यसअनुसार, एनपिएलका ६५३ चौकाबापत फाउन्डेसनले कुल दुई हजार ६ सय १२ शैक्षिक सामग्री वितरण गर्दै छ । हालसम्म, फाउन्डेसनले नेपालभरिका ४२ सरकारी विद्यालयका विद्यार्थीलाई पाँच हजारभन्दा बढी शैक्षिक सामग्री वितरण गरिसकेको जनाएको छ ।
