- वि.सं Invalid date format
द हिमालयन रिजर्भ ह्विस्की ब्रसेल्सको प्रतिष्ठित ‘मोन्ड सेलेक्सन गोल्ड अवार्ड २०२५’ बाट सम्मानित भएको छ । यो उपलब्धिले हिमालयन रिजर्भलाई विश्वकै उत्कृष्ट गुणस्तरको ह्विस्कीको श्रेणीमाझ परिचित गराएको बताइएको छ । साथै, नेपाली ब्रान्डले पनि विश्वस्तरको प्रिमियम मदिरा उत्पादन गर्न सक्छ र अन्तर्राष्ट्रिय ब्रान्डसँग प्रतिस्पर्धा गर्न सक्छ भन्ने कुरा थप प्रमाणित गरेको कम्पनीको भनाइ छ ।
सन् १९६१ मा स्थापित मोन्ड सेलेक्सन अन्तर्राष्ट्रिय गुणस्तर संस्थान हो । यसले स्वाद, सामग्री, उत्पादनकला र समग्र उत्कृष्टताका आधारमा पेय पदार्थ तथा मदिराको मूल्यांकन गर्ने गर्छ । ‘अनुभवी सोमेलियर (मदिरा विशेषज्ञ) र मास्टर ब्लेन्डरको निर्णायक समूहद्वारा गरिएको मूल्यांकनपछि प्राप्त भएको यो गोल्ड अवार्डले हिमालयन रिजर्भको अन्तर्राष्ट्रिय गुणस्तरलाई प्रमाणित गर्छ,’ कम्पनीले भनेको छ ।
