- वि.सं Invalid date format
कञ्चनपुरको दोधाराचाँदनीमा हात्ती मृत फेला परेको छ । बिहीबार बिहान दोधाराचाँदनी– ३ बडुवाल टोलमा एक हात्ती मृत फेला परेको हो । दोधाराचाँदनी नगरपालिका– ३ का वडाध्यक्ष हरिसिंह घनाडीले हात्ती मृत फेला परेको बताए ।
उक्त हात्ती मृत्युको कारणबारे प्राविधिक टोली घटनास्थल पुगेको जनाइएको छ । हात्ती कालगति वा कुनै व्यक्ति समूहको धरापका कारण मरेको भन्नेबारे अध्ययन गरिने बताइएको छ । केही दिनअघि मात्रै शुक्लाफाँटा राष्ट्रिय निकुञ्ज, लालझाडी क्षेत्रमा पनि हात्ती मृत फेला परेको थियो ।
