- वि.सं २o८१ माघ ६ आइतबार
वरिष्ठ अधिवक्ता दिनेश त्रिपाठीमाथि कुटपिटको आरोपमा थप एक पक्राउ परेका छन्। हुम्ला अदानचुली गाउँपालिका ४ घर भई काठमाडौं बस्ने महानन्द जैसी भन्ने महेन्द्र पाण्डेलाई प्रहरीले पक्राउ गरेको हो।
उनलाई टोखाबाट पक्राउ गरिएको जिल्ला प्रहरी परिसर काठमाडौंका एसपी नवराज अधिकारीले बताए। यसअघि सोही घटनामा संलग्न ललितकुमार केसीलाई प्रहरीले पक्राउ गरी ज्यान मार्ने उद्योग मुद्दामा अनुसन्धान गरिरहेको छ।
गत बुधबार वरिष्ठ अधिवक्ता त्रिपाठीमाथि जिल्ला अदालत काठमाडौंअगाडि आक्रमण भएको थियो। रवि लामिछानेको विपक्षमा बहस गरेको भन्दै आक्रमण भएको बताइएको छ।
वरिष्ठ अधिवक्ता त्रिपाठीमाथि आक्रमणको विरोधमा आइतबार नेपाल बार एसोसियसनले विरोध कार्यक्रमसमेत गरेको छ।
