- वि.सं २o८१ माघ ६ आइतबार
नेपाली कांग्रेसनिकट लोकतान्त्रिक खेलकुद संघले आयोजना गर्ने सभापति कपको उद्घाटन खेलमा चर्च ब्वाइज युनाइटेड र संकटा क्लबले प्रतिस्पर्धा गर्ने भएका छन्।
१० माघबाट सुरु हुने खेलहरूको तालिका आइतबार सार्वजनिक गरिएको हो। प्रतियोगिताका सबै खेल त्रिपुरेश्वरस्थित दशरथ रंगशालामा हुनेछन्।
प्रतियोगितामा दुई विभागीय टिमसहित आठ टिम सहभागी छन्। विभागीय टोली नेपाल पुलिस क्लब र सशस्त्र प्रहरी बलको एपिएफ सहभागी हुनेछन्। त्यस्तै, चर्च ब्वाइज, मछिन्द्र फुटबल क्लब, संकटा फुटबल क्लब, न्युरोड टिम एनआरटी फुटबल क्लब, फ्रेन्ड्स फुटबल क्लब र आयोजकको बागमती फुटबल क्लबले सहभागिता जनाउनेछन्।
प्रतियोगिताको विजेताले २६ लाख र उपविजेता टोलीले १३ लाख रुपैयाँ प्राप्त गर्नेछन्। सर्वोत्कृष्ट खेलाडीलाई ७५ हजार, उत्कृष्ट गोलकिपरलाई ५० हजार, सर्वाधिक गोलकर्तालाई ५० हजार, उत्कृष्ट उदीयमान खेलाडीलाई २५ हजार र प्लेयर अफ दी म्याचलाई १५ हजार प्रदान गरिनेछ।
प्रतियोगिताको फाइलन खेल माघ १७ गते हुनेछ।
