- वि.सं २o८१ मङ्सिर २३ आइतबार
नेपाल प्रिमियर लिग (एनपिएल) मा लुम्बिनी लायन्सले जनकपुर बोल्ट्सविरुद्ध टस जितेर पहिला फिल्डिङ गर्ने भएको छ । आइतबार त्रिवि क्रिकेट मैदानमा लुम्बिनीका कप्तान रोहितकुमार पौडेलले टस जितेर फिल्डिङको निर्णय लिए ।
दुवै टोली आफ्नो चौथो खेल खेल्दै छन् । जनकपुर आफ्नो विजयी यात्रा कायम राख्ने लक्ष्यमा रहँदा लुम्बिनी पहिलो जितको खोजीमा छ । लुम्बिनीले विराटनगर किंग्सविरुद्ध दुई र पोखरा एभेन्जर्ससँग १० विकेट तथा सुदूरपश्चिम रोयल्ससँग ४५ रनले पराजित भएको थियो ।
जनकपुरले विराटनगर किंग्स र कर्णाली याक्सलाई समान आठ तथा पोखरासँग सात विकेटको जित निकालेको थियो ।
