- वि.सं २o८१ कार्तिक १६ शुक्रबार
रौतहटको फतुवा-विजयपुरमा जंगली हात्तीको आक्रमणमा परी एक महिलाको मृत्यु भएको छ । हात्तीको आक्रमणबाट घरभित्र सुतिरहेकी महिलाको मृत्यु भएको छ भने मृतकका श्रीमान् भागेर ज्यान बचाउन सफल भएका छन् । फतुवा विजयपुर- ११ बुट्वा राङी गाउँमा शुक्रबार बिहान आफ्नै घरमा सुतिरहेको अवस्थामा हात्तीले आक्रमण गर्दा ७० वर्षीया पातली तामाङको मृत्यु हो ।
हात्तीले मृतकको घरमा पूर्ण रूपमा क्षति पुर्याएको छ । घटनास्थल पुगेका इलाका प्रहरी कार्यालय विजयपुरका प्रमुख इन्स्पेक्टर इन्द्रमणि अधिकारीले घटनाको पुष्टि गरेका छन् । जंगली हात्तीले एक्कासि आक्रमण गर्दा मृतकका श्रीमान् भागेर ज्यान बचाएको उनले बताए ।
हाल नेपाल प्रहरी, डिभिजन वन कार्यालय चन्द्रनिगाहपुर र सशस्त्र बेस क्याम्प विजयपुरको टोली घटनास्थल पुगेको छ । घटनाबारे थप अनुसन्धान भइरहेको प्रहरीले जनाएको छ ।
2024-09-18-01-30-27.gif)
2024-09-18-01-30-29.gif)
