काठमाडौंको अनामनगरमा धोबीखोलाले ट्याक्सी बगाएको छ । आइतबार बेलुका करिब ८ बजेतिर मदन भण्डारी कलेजछेउको करिडोरमा बा.२ज १७९६ नम्बरको ट्याक्सी चिप्लिएर धोबीखोलामा खसेको हो ।
ट्याक्सीचालक उर्गेन लामा भने सकुशल रहेको अनामनगर वृत्तका डिएसपी चक्रबहादुर शाहले बताए । चालकसहित ट्याक्सी धोबीखोलामा खसेको थियो । चालक लामा भने खोलाबाट निस्कन सफल भएका छन् । धोबीखोलाले बगाएको ट्याक्सी बुद्धनगरमा भेटिएको र निकाल्न खोज्नेक्रममा बाढी आएर फेरि बगाएको डिएसपी शाहले बताए ।