- वि.सं २o८१ भदौ २८ शुक्रबार
सडकमै ट्याक्सी राखी सडक अवरोध गरेर ट्याक्सीचालकहरूले आन्दोलन गरेका छन्। काठमाडौंको जडीबुटीको बिचसडकमै उनीहरूले ट्याक्सी राखेर सडक अवरोध गरेका हुन्।
आन्दोलनले सो क्षेत्र आसपासको सडक अस्तव्यस्त बनेको छ। राइड सेयरिङ बन्द गर्नुपर्ने, रातो नम्बर प्लेटका सवारीसाधनले यात्रु बोक्न दिन नहुनेलगायतका माग राखी उनीहरूले आन्दोलन गरेका हुन् । व्यवसायी दुर्गा प्रसाईंको नेतृत्वमा उनीहरूले शुक्रबार सडक अवरोध गरी प्रदर्शन गरेका हुन्।
उनीहरूको आन्दोलनबाट केही समय सडक बन्द भएको र हाल प्रहरीले ट्याक्सी हटाएर सडक सञ्चालन गरिसकेको काठमाडौं उपत्यका प्रहरी कार्यालयका प्रवक्ता एसएसपी विनोद घिमिरेले बताए।
