![](https://nayapatrika.blr1.cdn.digitaloceanspaces.com/news/images/boxing2024-07-04-08-28-54.jpeg)
आरडिएसकी रमिशा श्रेष्ठ र नेपाल आर्मीकी आरती बमजन चौथो प्रकाश दाहाल स्मृति राष्ट्रिय खुला बक्सिङ प्रतियोगिताको फाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा बुधबार भएको प्रतियोगिताको महिला ४८ केजीमा रमिशाले नक्सालकी सुष्मा तामाङलाई हराइन् ।
आरतीले जेन एक्सकी सुस्मिता श्रेष्ठलाई पाखा लगाइन् । नेपाल बक्सिङ महासंघको आयोजनामा भएको प्रतियोगिताको महिला ५० केजीमा बक्समान्डुकी पूर्णिमा तामाङले कर्णालीकी टीका थापालाई हराउँदै फाइनलमा स्थान सुरक्षित गरिन् ।
पुरुष ६७ केजीमा आर्मीका लालु आलेमगरले कैलालीका सिर्जन विकलाई पाखा लगाउँदै अन्तिम दुईमा स्थान पक्का गरेका छन् । पुरुष ९२ केजीमा एपिएफका रविन नेपालले केवाइबिसीका रशिब जारीलाई पन्छ्याउँदै फाइनलमा पुगे ।