- वि.सं २o८१ असार १९ बुधबार
राष्ट्रिय स्वतन्त्र पार्टीका महासचिव मुकुल ढकाल पार्टीको बैठकमा मुखमा कालो टेप लगाएर उपस्थित भएका छन् । बुधबार भएको बैठक पार्टीले लाइभ नगर्ने निर्णय गरेपछि आफ्नो लोकतान्त्रिक अधिकार, बोल्न पाउने अधिकार हनन भएको भन्दै कालो टेप लगाएर उपस्थित भएको जनाएका छन् ।
समीक्षा प्रतिवेदनका आधारमा पार्टी महामन्त्रीको तर्फबाट प्रस्ताव पेस गर्न हिजो सचिवालयको बैठकमा अनुमति दिएको, तर लिखित प्रस्ताव तयार पारिए पनि पेस गर्ने अनुमति पार्टी सभापतिले नदिएको उनको भनाइ छ ।
उनले प्रतिवेदनका आधारमा तयार गरिएको प्रस्तावमा पार्टीलाई रविको पार्टी नभएर राष्ट्रिय स्वतन्त्र पार्टी बनाउनुपर्ने कुरा उल्लेख गरेका छन् ।
