![](https://nayapatrika.blr1.cdn.digitaloceanspaces.com/news/images/hkabbadi2024-06-28-11-04-22.jpeg)
कास्की जिल्लाले गण्डकी प्रदेशस्तरीय पुरुष कबड्डी प्रतियोगिताको उपाधि हात पारेको छ । प्रदेश खेलकुद परिषद् गण्डकीको आयोजनामा बिहीबार भएको फाइनलमा कास्कीले तनहुँलाई ४५–३८ ले पराजित गर्दै उपाधि जितेको हो ।
यसअघि तनहुँले बागलुङलाई ४५–४३ र कास्कीले म्याग्दीलाई ४१–२८ ले हराएका थिए । उपाधिसँगै कास्कीले ७० हजार र उपविजेता तनहुँले ५० रुपैयाँ पाएका छन् । तेस्रो भएका म्याग्दी र बागलुङले समान ३० हजार रुपैयाँ जिते ।
पुरस्कार वितरण कार्यक्रममा बंगलादेशमा सम्पन्न बंगबन्धु अन्तर्राष्ट्रिय कबड्डीमा उत्कृष्ट प्रदर्शन गरेका विशाल थापालाई सम्मान गरिएको थियो । प्रतियोगितामा प्रदेशका नौ जिल्लाको सहभागिता थियो ।