- वि.सं २o८१ असार १६ आइतबार
महाकाली नदीमा डुबेर एक मजदुर बेपत्ता भएका छन्। आइतबार दिउँसो कञ्चनपुरको भीमदत्त नगरपालिका– १२ ऐरी क्षेत्रको महाकाली नदीमा डुबेर मजदुर बेपत्ता भएका हुन्।
जिल्ला प्रहरी कार्यालय कञ्चनपुरका प्रवक्ता उमेशराज जोशीले निर्माणाधीन महाकाली चारलेनको पुलमा काम गर्दै आएका मजदुर बेपत्ता भएको बताए। उनका अनुसार सुर्खेत बराहताल गाउँपालिका– ४ साँझघाटका ४५ वर्षीय धनबहादुर गुरुङ बेपत्ता भएका हुन्।
गुरुङको खोजीकार्यका लागि नेपाल प्रहरी र सशस्त्र प्रहरीको टोली परिचालन गरिएको छ। सशस्त्र प्रहरीको गोताखोर टोलीले महाकालीमा बेपत्ता गुरुङको खोजीकार्य गरिरहेको छ। आइतबारदेखि महाकाली नदीको सतह वृद्धि भएको छ।
