![](https://nayapatrika.blr1.cdn.digitaloceanspaces.com/news/images/samridhi2024-06-26-12-07-37.jpeg)
समृद्धि फाइनान्सले बागबजारस्थित क्यापिटल हस्पिटलसँग समझदारी गरेको छ । उक्त समझदारीअन्तर्गत फाइनान्सका सेयर सदस्य, कर्मचारी तथा खातावालाले हस्पिटलमा छुट पाउनेछन् ।
छुट अवधि १२ असारदेखि एक वर्षसम्म लागू हुनेछ । फाइनान्सका ग्राहकले मोबाइल बैंकिङ र डेबिड कार्ड प्रयोग गरी क्यापिटल हस्पिटलका विभिन्न सेवा उपभोग गरी भुक्तानी गर्दा २० प्रतिशतसम्म छुट पाउनेछन् ।
जसअन्तर्गत अर्थोपेडिकमा १०, स्त्रीरोगमा १०, सामान्य शल्यक्रियामा १०, अल्ट्रा साउन्डमा १५, प्रयोगशाला सेवामा १५, एक्स–रेमा २० प्रतिशत छुट पाउनेछन् । त्यस्तै, फिजियोथेरापीमा १०, फार्मेसीमा १० र बेड चार्जमा पनि १० प्रतिशत छुट प्राप्त गर्ने फाइनान्सले जनाएको छ ।