- वि.सं २o८१ असार ९ आइतबार
शनिबार रातिदेखिको निरन्तरको वर्षाले पहिरो खस्दा डुम्रे–बेँसीसहर सडअन्तर्गत उदीपुर सडकखण्ड पुनः अवरुद्ध भएको छ । यस सडकअन्तर्गत बेँसीसहर नगरपालिका– १ उदीपुरमा आज बिहान पहिरो खस्दा सडक अवरुद्ध भएको जिल्ला प्रहरी कार्यालयले जनाएको छ ।
कार्यालयका सूचना अधिकारी तथा प्रहरी निरीक्षक थानेश्वर चपाईंले पानी परिरहेकाे र पहिरो पनि निरन्तर खसिरहेकाले बाटो खुल्न समय लाग्ने बताए । यसअघि असार ४ गते पनि पहिरोले सडक अवरुद्ध भएको थियो ।
सडक अवरुद्ध हुँदा सवारीसाधन तथा यात्रु अलपत्र परेका छन् । बेँसीसहरबाट काठमाडौं, पोखरा, चितवनलगायतका स्थानमा जाने यात्रु र सो स्थानबाट बेँसीसहर र बेँसीसहर हुँदै हिमाली जिल्ला मनाङ जाने यात्रु समस्यामा परेका छन् । डुम्रे–बेँसीसहर ४२ किलोमिटर रहेको छ ।
2024-09-18-01-30-27.gif)
2024-09-18-01-30-29.gif)
