- वि.सं २o८१ बैशाख २० बिहीबार
विभिन्न ब्रान्डका सवारीसाधन बिक्री गर्दै आएको जी मोटर्स प्रालिले आधिकारिक वितरकका रूपमा चाइनाको लोकप्रिय ब्रान्ड स्काइवेल प्रिमियम लक्जरी इभी एसयुभी नेपालमा सार्वजनिक गरेको छ ।
जी मोटर्सले ६ सय २० किमि रेन्ज दिने, फाइभ स्टार सेफ्टी रेटिङ प्राप्त रियल इभी एसयुभी बिहीबार भक्तपुरमा सार्वजनिक गर्नुका साथै स्काइवेल सोरुमको उद्घाटन पनि गरेको छ । साथै, नौ थान गाडी ग्राहकलाई डेलिभरी पनि गरेको कम्पनीले जनाएको छ ।
चिनियाँ दूतवासका इकोनोमिक एन्ड कमर्सियल कन्सुलर सियू, स्काइवेल न्यु इनर्जी भेहिकलका चिनियाँ प्रतिनिधि थोमस जू र जी मोटर्स प्रालिका अध्यक्ष दुर्गाप्रसाद गेलालले संयुक्त रूपमा सोरुम उद्घाटन गरेका हुन् । नाडाबाट औपचारिक बुकिङ एवं ब्रान्डको बिक्री सुरुवात गरेको जी मोटर्सले छोटो समयमै स्काईवेलको प्रिमियम एवं सिंगल चार्जमा ६ सय २० किमि रेन्च दिनुका साथै प्रतिघण्टा एक सय ५० किलोवाटको ब्याट्री प्याकले ग्राह्कलाई सोचेभन्दा आरामदायी यात्रा तय गराउने कम्पनीको विश्वास छ ।
गाडी सार्वजनिक गर्दै आमग्राहकको उत्साहजनक सहभागितालाई हेरी एक वर्षको निःशुल्क बिमा, सडक कर, एक्सचेन्ज सुविधामा आकर्षक बोनस र विशेष छुट सुविधासमेत दिएको कम्पनीले जनाएको छ । यो योजना वैशाख महिनाभर लागू हुने कम्पनीका प्रबन्ध निर्देशक गेलालले बताए । नेपाली बजारमा यसको मूल्य एक करोड नौ लाख रहेको कम्पनीले जनएको छ ।
