- वि.सं २o८o चैत २० मंगलबार
बर्दियामा चरेससहित एक महिला पक्राउ परेकी छिन् । पक्राउ पर्नेमा दाङ लमही नगरपालिका– ११ बस्ने ५२ वर्षीया आशा राई छिन् ।
उनको साथबाट प्रहरीले पाँच केजी नौ सय २९ ग्राम चरेस फेला पारेको छ । विशेष सूचनाको आधारमा प्रहरी चौकी जमुनी र सशस्त्र प्रहरीको संयुक्त गस्ती टोलीले राईलाई पक्राउ गरेको हो । उनी नेपालबाट लुकिछिपी भारततर्फ जाँदै गरेको अवस्था पक्राउ परेकी हुन् ।
उनको शरीर तथा हातेझोलाभित्र खैरो रङको प्लास्टिक टेपले बेरी लुकाएर राखेको अवस्थामा चरेस फेला पारिएको जिल्ला प्रहरी कार्यालयका प्रहरी नायब उपरिक्षक तुल्सीराम अर्यालले बताए।
