Read Time : < 1 मिनेट
२०८० चैत १० शनिबार २१:२८:००
हाइटेन्सन लाइनको तार एक्कासि चुँडिएर आँगनमा खसेपछि करेन्ट लागेर दाङमा एकै परिवारका तीनजनाको मृत्यु भएको छ।
दाङको राप्ती गाउँपालिका– ३ घण्टदेव चोकका ६० वर्षीय श्रीमान् गोरखबहादुर केसी, उनकी ५५ वर्षीया श्रीमती दिलसरा र चारवर्षीय नाति कृष्ण केसीको मृत्यु भएको हो।
जिल्ला प्रहरी कार्यालय दाङका प्रहरी नायब उपरीक्षक जनकबहादुर मल्लका अनुसार हाइटेन्सन लाइनको विद्युतको तार चुँडिएर उनीहरूलाई करेन्ट लागेको थियो।
दिलसरा र नाति कृष्णको घटनास्थलमै मृत्यु भएको हो भने गोरखबहादुरको उपचारका क्रममा लुम्बिनी प्रादेशिक अस्पताल बुटवलमा मृत्यु भएको हो।
नेपाल विद्युत् प्राधिकरणको हाइटेन्सन लाइनको तार एक्कासि चुँडिएर घरको आँगनमा पुगेको थियो।