एकदिवसीय बाइल्याट्रल सिरिजको अन्तिम खेलमा अहिले नेपाल र क्यानडा भिडिरहेका छन् । कीर्तिपुरस्थित अन्तर्राष्ट्रिय खेलमैदानमा फिल्डिङ गरिरहेको नेपाललाई पहिलो सफलता मिलेको छ ।
सिरिजको अन्तिम खेलमा मौका पाएका तीव्रगतिका युवा बलर हेमन्त धामीले डेब्यु खेलमै डेब्यु विकेट लिएका छन् । उनले आफ्नो पहिलो स्पेलको दोस्रो ओभरमा क्यानडाका आरोन जोनसनलाई व्यक्तिगत चार रनको अवस्थामा देव खनालको हातबाट क्याच गराए ।
२.४ ओभरमा सात रनको अवस्थामा क्यानडाले पहिलो विकेट गुमाएको हो । तीन एकदिवसीय म्याचको शृंखला भने नेपालले २–१ ले जितिसकेको छ ।