- वि.सं २o८o माघ २६ शुक्रबार
प्रभु महालक्ष्मी लाइफ इन्स्योरेन्स लिमिटेडले काठमाडौं उपत्यकामा रहेका वरिष्ठ अभिकर्ताबीच अन्तर्क्रिया कार्यक्रम गरेको छ । कम्पनीले उपत्यकामा रहेका वरिष्ठ अभिकर्ताको उपस्थितिमा कार्यक्रम गरेको हो ।
अन्तर्क्रियाको उद्घाटन गर्दै कम्पनीका निमित्त प्रमुख कार्यकारी अधिकृत सन्तोष प्रसाईंले अभिकर्ताबीच आपसी साथ, सहयोग र सद्भाव कायम गर्न कम्पनीले अन्तर्क्रिया कार्यक्रम आयोजना गरेको बताए ।
यस किसिमका कार्यक्रमले अभिकर्तामा काम गर्न ऊर्जा प्राप्त हुने उनले विश्वास व्यक्त गरे । कम्पनीका नायब महाप्रबन्धक सोनबहादुर मगरले बिमाका बिक्रीकला तथा व्यावसायिक जीवनमा आफूले भोगेका अनुभवबारे प्रेरणादायी प्रस्तुतीकरण दिएका थिए ।
कार्यक्रममा विभिन्न विधामा उत्कृष्ट कार्य गर्ने अभिकर्तालाई सम्मान गरिएको थियो । उपत्यकाबाट कार्यक्रममा उपस्थित भएका एमडिआरटी २०२४ मा छनोट भएका अभिकर्तालाई केक काटी सम्मान गरिएको थियो । साथै, अभिकर्ता स्किमअन्तर्गत लक्की ड्रमार्फत स्कुटर विजेता पाटन शाखामा कार्यरत एजेन्सी म्यानेजर पवनकुमार शाहीलाई स्कुटर हस्तान्तरण गरिएको कम्पनीले जनाएको छ ।
