- वि.सं २o८o माघ १६ मंगलबार
सानिमा रिलायन्स लाइफ इन्स्योरेन्सको सञ्चालक समितिको अध्यक्षमा रतनलाल केडिया नियुक्त भएका छन् । कम्पनीको छैटौँ वार्षिक साधारणसभाबाट निर्विरोध निर्वाचित भएका सञ्चालकहरू रतनलाल केडिया, कुमारप्रसाद कोइराला, भरतकुमार तोदी, डा. सुवर्णदास श्रेष्ठ, केशवराज केसी र परीक्षित खेमामध्येबाट सञ्चालक समिति बैठकले केडियालाई समितिको अध्यक्षमा नियुक्त गरेको हो ।
नवनियुक्त केडियाले नियामक निकाय नेपाल बिमा प्राधिकरणका अध्यक्ष सूर्यप्रसाद सिलवालसमक्ष पद तथा गोपनीयताको शपथ गरी अध्यक्षको पदभार ग्रहण गरेका छन् । साथै, अन्य सञ्चालकले सञ्चालक समितिका अध्यक्षसमक्ष पद तथा गोपनीयताको शपथग्रहण गरेका छन् ।
