- वि.सं २o८१ बैशाख २० बिहीबार
युक्रेनले सन् २०२४ पछि रुससँग प्राकृतिक ग्यास पारवहन सम्झौता विस्तार गर्ने योजना नबनाएको सरकारी प्रेस सेवालाई उद्धृत गर्दै इन्टरफ्याक्स–युक्रेन समाचार एजेन्सीले जनाएको छ।
प्रेस सेवाले युक्रेनी पक्षको स्थितिबारे जानकारी गराउँदै यातायात सम्झौता यस वर्षको अन्त्यमा समाप्त हुने तथा रुसीहरूसँग वार्ता र सम्झौता विस्तार गर्ने योजनामा नरहेको जनाएको छ।
यद्यपि, युक्रेनले आफ्नो ग्यास यातायात प्रणाली प्रयोग गर्न युरोपेली संघका अन्य देशहरूसँग वार्ता गर्न सक्ने स्रोतले जनाएको छ।
युक्रेनको राज्य सञ्चालित ऊर्जा कम्पनी नाफ्टोगाज र विशाल रुसी ग्यास कम्पनी गाजप्रोमले सन् २०१९ डिसेम्बरमा ग्यास यातायात सम्झौतामा हस्ताक्षर गरेका थिए। सम्झौताअनुसार युक्रेनले सन् २०२१/०२४ को अवधिमा प्रतिवर्ष ४० अर्ब क्युबिक मिटर रुसी ग्यास ढुवानी गर्ने योजना थियो।
गत वर्ष रुसबाट युक्रेन हुँदै जाने ग्यास २८।.४ प्रतिशतले घटेर एक करोड ४६ लाख क्युबिक मिटरमा झरेको थियो।
