- वि.सं २o८१ पौष ६ शनिबार
पुसे मेला अन्तर्राष्ट्रिय आमन्त्रण तथा अन्तर जिल्लास्तरीय पुरुष भलिबल प्रतियोगिताको उपाधि भोजपुरले जितेको छ। ताप्लेजुङको दोभानमा सम्पन्न प्रतियोगितामा झापाको पाथीभरा टाइगर भलिबल क्लबलाई ३–० को सोझो सेटमा पराजित गर्दै भोजपुरले उपाधि चुमेको हो।
झापालाई भोजपुरले २५–२१, २५–१६ र २५–२३ को सोझो सेटमा जितेको थियो। उपाधि जितसँगै भोजपुरले तीन लाख नगद पुरस्कारसहित ट्रफी, पदक र प्रमाणपत्र पाएको छ। त्यस्तै, उपविजेता बनेको झापाले एक लाख ७५ हजार नगद र ट्रफी, पदक तथा प्रमाणपत्र प्राप्त गर्यो। सेमिफाइनमा संखुवासभाको सभापोखरीलाई २५–२३, ३०–२८ र २५–२१ को सेटमा पराजित गर्दै भोजपुर फाइनल पुगेको हो।
यस्तै, मुकेश मेमोरियल क्लब ताप्लेजुङलाई २५–१९, २५–२१ र २५–१९ ले पराजित गर्दै झापा फाइनलमा पुगेको थियो। प्रतियोगितामा भारत, सिक्किमको नाम्चे भलिबल क्लबसहित सात टोलीको सहभागिता रहेको आयोजकले बताएका छन्।
