- वि.सं २o८१ बैशाख २२ शनिबार
आहा रारा पोखरा गोल्डकप
मच्छिन्द्र एफसीलाई १–० ले हराउँदै जावलाखेल युथ क्लब आहा रारा पोखरा गोल्डकपको अन्तिम आठमा प्रवेश गरेको छ । बिहीबार २३औँ संस्करणको तेस्रो प्रिक्वार्टर फाइनलमा जावलाखेललाई हराउन स्ट्राइकर हिसुब थपलियाले निर्णायक गोल गरे ।
३८औँ मिनेटमा हिसुबले गरेको गोल नै खेलको एक मात्र निर्णायक बन्यो । रक्षक सुशीलकुमार यादवले मैदानको मध्यभागबाट दिएको लामो पासलाई सदुपयोग गर्दै मच्छिन्द्रका रक्षक देवेन्द्र तामाङ र गोलकिपर तथा कप्तान विशाल श्रेष्ठलाई बिट गर्दै हिसुबले बललाई जाली चुमाएका थिए ।
निर्णायक खेलमा जावलाखेललाई जित दिलाएका हिसुब प्ले अफ दी म्याच घोषित भए । अब, सेमिफाइनल प्रवेशका लागि जावलाखेलले अर्काे सहिद स्मारक ‘ए’ डिभिजन लिग प्रतिद्वन्द्वी मनाङ मर्स्याङ्दीसँग खेल्नेछ ।
शुक्रबार विभागीय डर्बीमा सशस्त्र प्रहरी बलको एपिएफ क्लब र नेपाल पुलिस क्लबबीच प्रतिस्पर्धा हुनेछ ।
