- वि.सं २o८o पौष ११ बुधबार
प्रहरीले सिराहाको धनगढीमाई नगरपालिका– ८ चियाबारीमा अवैध रूपले लगाइएको करिब पाँच कट्ठा खेतको गाँजा फँडानी गरी नष्ट गरेको छ । जिल्ला प्रहरी कार्यालय सिराहाका अनुसार मंगलबार धनगढीमाई नगरपालिका– ८ चियाबारी टोलका स्थानीयले आफ्नो आँगन, करेसाबारी र खेतबारीमा गरी करिब पाँच कट्ठा क्षेत्रफलमा लगाएको गाँजा फँडानी गरी नष्ट गरिएको हो ।
अस्थायी प्रहरी पोस्ट कसहाबाट प्रहरी सहायक निरीक्षक यज्ञबहादुर भट्टराई र इलाका प्रहरी कार्यालय सिराहाबाट प्रहरी नायब निरीक्षक शारदाशंकर साहको कमान्डमा खटिएको प्रहरी टोलीले करिब चार हजार गाँजाको बोट फँडानी गरी जलाएर नस्ट गरिएको प्रहरीले जनाएको छ ।
त्यसअघि मंसिरको अन्तिम र पुसको पहिलो साता प्रहरीले कर्जन्हा, मिर्चैया, सिराहा, लहान, धनगढीमाईमा गरी करिब १० कट्ठा जग्गामा लगाएको गाँजा फँडानी गरी नस्ट गरेको थियो ।
