- वि.सं २o८o पौष ५ बिहीबार
सिराहाको पश्चिमवर्ती कर्जन्हा नगरपालिका– ५ को विभिन्न गाउँटोलको खेतबारी, करेसाबारीमा अवैध रूपले लगाइएको करिब पाँच कट्ठा क्षेत्रफलको गाँजा फँडानी गरी नष्ट गरिएको छ ।
प्रहरी चौकी कर्जन्हाबाट प्रहरी सहायक निरीक्षक सुधीरकुमार साहको कमान्डमा खटिएको नौजनाको प्रहरी टोलीले बुधबार अपराह्न स्थानीयले दिएको सूचनाको आधारमा करिब पाँच कट्ठा खेतबारी, करेसाबारीमा लगाइएको करिब चार हजार गाँजाको बोट फँडानी गरी नष्ट गरिएको जिल्ला प्रहरी कार्यालय सिराहाले जनाएको छ ।
त्यसअघि पनि प्रहरीले २३ र २४ मंसिरमा सिराहाको मिर्चैया नगरपालिका– १० मथलेश्वर पिप्रा, कर्जन्हा नगरपालिका– ४ बस्तीपुर, सिराहा नगरपालिका– १८ लक्ष्मीनिया भजनाहा, धनगढीमाई नगरपालिका– १२ हात्तीमारा र लहान नगरपालिका– २४ माणिकदहमा चार कट्ठा १२ धुर जग्गाको गाँजा फँडानी गरी आगो लगाएर नष्ट गरेको थियो ।
