- वि.सं २o८o कार्तिक १७ शुक्रबार
कृषि तथा पशुपन्छी विकास मन्त्रालयअन्तर्गत सञ्चालित परियोजना–आयोजनाहरूका लागि दुई सय ६१ अस्थायी दरबन्दी स्वीकृत भएको छ।
बिहीबार बसेको मन्त्रिपरिषद्को बैठकले दुई सय ६१ राजपत्रांकित पदहरूमा अस्थायी दरबन्दी स्वीकृत गर्ने निर्णय गरेको हो।
यसैगरी, सरकारले नेपाल इन्जिनियरिङ सेवा समूहतर्फको राजपत्रांकित विशिष्ट श्रेणीको रिक्त पदमा विश्वबाबु पुडासैनीलाई बढुवा गरी नेपाल ट्रस्टको कार्यालयको सचिवमा पदस्थापन गरेको छ।
नेपाल प्रशासन सेवा समूहतर्फको राजपत्रांकित विशिष्ट श्रेणीको रिक्त पदमा राधिका अर्याललाई बढुवा गरी लुम्बिनी प्रदेशको प्रमुख सचिवमा पदस्थापन गर्ने निर्णय भएको छ।
