Skip This
मेडिकल सञ्चालकविरुद्ध मुद्दा दायर 
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o भदौ २३ शनिबार
  • Monday, 22 July, 2024
२o८o भदौ २३ शनिबार १६:४o:oo
Read Time : < 1 मिनेट
समाचार डिजिटल संस्करण

मेडिकल सञ्चालकविरुद्ध मुद्दा दायर 

Read Time : < 1 मिनेट
नयाँ पत्रिका
२o८o भदौ २३ शनिबार १६:४o:oo

बैतडीको दोगडाकेदार गाउँपालिकाका एक मेडिकल सञ्चालकविरुद्ध मुद्दा दर्ता गरिएको छ। दोगडाकेदार–६ पन्ज्युनयाँस्थित कविर मेडिकल हलका सञ्चालक कृष्णसिंह कार्कीविरुद्ध मुद्दा दर्ता गरिएको हो। 

प्रहरी प्रवक्ता एवं प्रहरी निरीक्षक योगेश खत्रीका अनुसार प्रमुख जिल्ला अधिकारी सुरेश पन्थीसहितको टोलीले यही भदौ १९ गते अनुगमनका क्रममा कार्कीले मेडिकल अवैध रूपमा सञ्चालन गरिरहेको फेला पारेको थियो। अवैध रूपमा मेडिकल सञ्चालन गरेको पाइएपछि अनुगमन टोलीले सोही दिन पक्राउ गरेर प्रहरी हिरासतमा राखेर अनुसन्धान अघि बढाएको छ। 

प्रहरी निरीक्षक खत्रीका अनुसार उनको मेडिकल दर्ता नै नभएको र स्वास्थ्य विषय पनि नपढेरै क्लिनिक सञ्चालन गरेको पाइएको छ। 

अनुगमनका क्रममा कार्कीको मेडिकलसहित दोगडाकेदार–७ खोचलेकस्थित रणशैनी फार्मेसी एन्ड चन्द क्लिनिक र दोगडाकेदार–३ सिल्लेगडास्थित जोशी क्लिनिक सिल गरिएको थियो।

चिकित्सकको प्रेसक्रिप्सनबिना औषधि बिक्री गर्ने गरेको, आवश्यक शैक्षिक योग्यता नभएको तथा सम्बन्धित निकायमा दर्ता प्रक्रियासमेत पूरा नगरेको पाइएकाले मेडिकल सिल गरिएको बताइएको छ। रासस