- वि.सं २o८o असार २७ बुधबार
ललितानिवास जग्गा हिनामिनामा संलग्न नेपाल समरजंग कम्पनीका पूर्वकर्मचारी विनोदप्रसाद पौडेल पक्राउ परेका छन्।
केन्द्रीय अनुसन्धान ब्युरो (सिआइबी)ले उनलाई बुधबार पक्राउ गरेको हो। समरजंग कम्पनीको जग्गा व्यक्तिको नाममा लैजान पौडेलको भूमिका देखिएपछि पक्राउ गरिएको सिआइबीले जनाएको छ।
उनले बकसस्वरूप ललितानिवास परिसरको १४ आना जग्गा घुस लिएका थिए। श्रीमती विद्या पौडेल गौतमको नाममा राणा परिवारबाट जग्गा बकसबापत लिएको अनुसन्धानमा पुष्टि भएको सिआइबीले जनाएको छ।
पौडेल पक्राउ परेसँगै ललितानिवास जग्गा हिनामिनामा पक्राउ पर्नेको संख्या १७ पुगेको छ।
