यस सिजन च्याम्पियन्स लिग खेल्ने तयारीमा रहेको इंग्लिस प्रिमियर लिगको क्लब न्युकासल युनाइटेडले सान्ड्रो टोनालीलाई अनुबन्धन गरेको छ।
इटालियन क्लब एसी मिलानका २३ वर्षीय मिडफिल्डर टोनालीलाई भित्र्याउन न्युकासलले ५५ मिलियन पाउन्ड खर्च गरेको सञ्चारमाध्यमहरूले जनाएका छन्।
सन् २०२१-२२ को सिजनमा एसी मिलानलाई सिरी ए उपाधि दिलाउन महत्वपूर्ण योगदान गरेका टोनालीले न्युकासलसँग पाँच वर्षका लागि सम्झौता गरेका हुन्। (एजेन्सीको सहयोगमा)