- वि.सं २o८१ असोज ५ शनिबार
सञ्चार तथा सूचना प्रविधिमन्त्री पृथ्वीसुब्बा गुरुङले संविधानबाट संघीयता, धर्मनिरपेक्षता र समानुपातिक प्रणाली हटाउने कल्पनासमेत गर्न नसकिने बताएका छन्।
लमजुङको बेँसीसहरमा शनिबार आयोजित एमाले लमजुङको तेस्रो बैठकलाई सम्बोधन गर्दै एमाले उपमहासचिवसमेत रहेका गुरुङले संविधान संशोधनका वेला संघीयता, धर्मनिरपेक्षता र समानुपातिक प्रणाली नहट्ने बताएका हुन्।
कांग्रेस–एमाले नेतृत्वको वर्तमान सरकारले नै संविधान संशोधन गर्ने दाबी गर्दै उनले भने, ‘खासगरी संघीयता, धर्मनिरपेक्षता र समानुपातिक प्रणालीका विषयमा छलफल हुँदैन, ती विषय संविधानबाट हटाउने कुरा कल्पना पनि गर्न सकिँदैन।’
देशलाई आर्थिक संकटबाट जोगाउन कांग्रेस र एमालेको संयुक्त सरकार बनेको उनको भनाइ थियो। अघिल्लो सरकारले देशलाई विकासको बाटोमा अघि बढाउन नसकेपछि दुई ठुला दलले सरकारको नेतृत्व लिएको जिकिरसमेत गरे।
2024-09-18-01-30-27.gif)
2024-09-18-01-30-29.gif)
