- वि.सं २o८o असार १७ आइतबार
गर्मीको समय धेरैको रोजाइमा सिम्पल डिजाइनका साडी पर्ने गरेका छन् । साडी तथा लेहेंगामा ह्यान्डवर्कअनुसार बुटिकको मूल्य बढी पर्न जान्छ । सादी, भर्कन, कोरा, पोतेलगायत मिसाएर काम गर्नुपर्ने हुन्छ । महँगा साडीका लागि डिजाइनरले प्लानिङ धेरै गरेका हुन्छन्, मिहिनेत धेरै लाग्ने भएकाले मूल्य पनि धेरै पर्छ । यस्ता साडी प्रायः विवाहको मौसममा बिक्छन् । अन्य समयमा भने युवतीहरूको रोजाइमा सिम्पल साडी नै पर्ने गर्छ । ह्यान्डवर्क नगरिएका रेडिमेड साडीको मूल्य स्वाभाविक रूपमा कम पर्न जान्छ र लगाउनका लागि पनि हल्का र सहज हुन्छ ।
सिफन : यो पहिल्यैदेखि चलेको कपडा हो । मुलायम र पातलो हुने भएकाले गर्मीमा यसलाई लगाउन सजिलो हुन्छ । यसलाई ड्राई गरेर चाहेजस्तो कलरमा पनि बनाउन सकिन्छ ।
जर्जेट : यो सिफनभन्दा अलिकति मोटो र खस्रो हुन्छ । तर, पातलै साडीको श्रेणीमा पर्छ । बिहे र अन्य काममा ह्यान्डवर्क गर्नका लािग यो राम्रो र पारदर्शी हुन्छ । हाम्रो समाजमा यसको प्रयोग पनि अत्यधिक छ ।
नेट : नेट अति पारदर्शी हो । नेट लगाउँदा साइनिङ भएकाले धेरैले साटिन सिल्कको नेट लगाउन रुचाउँछन् ।
टिस्यु : टिस्युचाहिँ नेटभन्दा अलिकति मोटो हुन्छ । यो हेर्दा प्लास्टिकजस्तो पनि देखिन्छ । यो पनि पारदर्शी हुन्छ ।
