- वि.सं २o८o असार १२ मंगलबार
सेयर बजारमा हरियाली छाएको छ। आज सेयर बजार परिसूचक नेप्से पाँच महिनायताकै उच्च विन्दुमा पुगेको छ। आज नेप्से ५६.९४ अंकले बढेर २१८६.३६ विन्दुमा पुगेको छ।
यसअघि १५ माघमा नेप्से २१ सय ९२ विन्दुमा पुगेको थियो। आज उत्पादन, सबै समूहको सेयर बढेको छ। यसमा पनि लघुवित्त समूहको सेयर उच्च अंकले उकालो लागेको छ।
आज दुई सय ७५ वटा कम्पनीका एक करोड ३१ लाख सेयर किनबेच हुँदा पाँच अर्ब ४७ करोड ६२ लाख रुपैयाँबराबरको कारोबार भएको छ। आज ३० वटा लघुवित्त कम्पनीको सेयरमा सकारात्मक सर्किट लागेको छ।
