- वि.सं २o८१ बैशाख २० बिहीबार
विराटनगर महानगरपालिकाले गर्भवती महिलालाई पोषण र स्वास्थ्य सामग्री प्रदान गरेको छ । वडा नम्बर १८ का गर्भवती महिलालाई एक थान छाता झुल, नुहाउने साबुन, अन्डा र मिक्स गेडागुडी प्रदान गरेको हो ।
मातृशिशु सुरक्षाका लागि गर्भावस्थामा राम्रो पोषण तथा नियमित गर्भ जाँच आवश्यक भएकाले पोषण र स्वास्थ्य सामग्री प्रदान गरिएको विराटनगर महानगरकी उपप्रमुख शिल्पा कार्कीले बताइन् ।
गर्भ अवस्थामा आठपटक गर्भ जाँच गर्नुपर्ने, चार महिनाको गर्भ भएदेखि नियमित रूपमा आइरन चक्की खानुपर्ने, जुकाको औषधि सेवन गर्नुपर्ने साथै टिटी सुई लगाउनुपर्ने र आवश्यकताअनुसार जुनसुकै वेला स्वास्थ्य सल्लाह लिन पनि महानगरले गर्भवतीलाई अनुरोध गरेको छ ।
विराटनगर महानगरपालिकाले गर्भवती आमाहरूका लागि प्रसूति गराउन निःशुल्क एम्बुलेन्स सेवा उपलब्ध गराउँदै आएको छ ।
