१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख १३ बिहीबार
  • Thursday, 25 April, 2024
फाइल तस्बिर
नयाँ पत्रिका काठमाडौं
२०७९ माघ १३ शुक्रबार १३:१०:००
Read Time : < 1 मिनेट
समाचार डिजिटल संस्करण

माओवादी स्थायी कमिटी बैठक दोस्रो दिन पनि जारी, भावी राष्ट्रपतिबारे छलफल

Read Time : < 1 मिनेट
नयाँ पत्रिका, काठमाडौं
२०७९ माघ १३ शुक्रबार १३:१०:००

सत्तारूढ दल माओवादीको स्थायी कमिटी बैठक आज दोस्रो दिन पनि सुरु भएको छ । पार्टी कार्यालय, पेरिसडाँडामा सुरु भएको बैठकमा पछिल्लो राजनीतिक घटनाक्रम र राष्ट्रपति निर्वाचनलगायतका दुई मुख्य विषयमा छलफल चलिरहेको छ ।

हिजोको बैठकमा प्रधानमन्त्रीसमेत रहेका अध्यक्ष प्रचण्डले राष्ट्रपति साझा संवैधानिक पद भएकाले सकेसम्म राष्ट्रिय सहमति खोज्नुपर्ने भन्दै स्थायी कमिटी सदस्यहरूसँग सुझाव मागेका थिए । 

‘अध्यक्षले राष्ट्रपति निर्वाचनमा कसरी जाँदा उपयुक्त हुन्छ, परिस्थिति बुझेर सुझाव दिन भन्नुभएको थियो, त्यसैमा केन्द्रित भएर आज स्थायी कमिटी सदस्यहरूले धारणा राख्नुहुनेछ,’ उपमहासचिव मातृका यादवले नयाँ पत्रिकासँग भने । 

हिजो अध्यक्ष प्रचण्डले अघिल्लो गठबन्धन, नयाँ गठबन्धन र सरकार गठनदेखि हालसम्मको परिस्थितिबारे ब्रिफिङ गरेका थिए । कांग्रेसले समेत विश्वासको मत दिएको अवस्थामा राष्ट्रिय सहमतिको प्रयास गर्नु माओवादीको कर्तव्य भएको प्रचण्डले बताउँदै आएका छन् ।