- वि.सं २o७९ पौष ७ बिहीबार
अर्जेन्टिनी गोलरक्षक इमिलियानो मार्टिनेजले विजयोत्सवमा पुनः एकपटक नयाँ हर्कत गरेका छन् । च्याम्पियन लेखिएको बसमा सवार मार्टिनेजले विश्वकपको उपविजेता टोली फ्रान्सका केलियन एम्बाप्पेलाई इंगित गर्दै असभ्य क्रियाकलाप गरेका छन् ।
गोलरक्षक मार्टिनेजले बायाँ हातमा एम्बाप्पेको सानो गुडिया बनाएर बोकेका थिए । उनले गुडियाको अनुहारमा एम्बापेको अनुहार टाँसेका थिए । गोलरक्षक मार्टिनेजले एम्बाप्पेलाई आफ्नो अगाडि सानो बच्चा नै रहेको जनाउन कोसिस गरेको मिडियाहरूले जनाएका छन् ।
फुटबलविज्ञ र विश्लेषकहरूले मार्टिनेजद्वारा स्पोट्र्सम्यानसिप नदेखाएको आरोप लगाएका छन् ।
