- वि.सं २o७९ पौष २ शनिबार
कांग्रेस प्रवक्ता प्रकाशशरण महतले सबैभन्दा ठूलाे दल भएकोले कांग्रेसले प्रधानमन्त्री पाउने कुरा स्वाभाविक भएको बताएका छन्।
प्रधानमन्त्री शेरबहादुर देउवले बालुवाटारमा नवनिर्वाचित सांसदका लागि आयोजना गरेको चियापान कार्यक्रममा प्रवक्ता महतले कांग्रेसबाट प्रधानमन्त्री बन्ने कुरा स्वाभाविक भएको बताएका हुन्।
संसदीय दलको निर्वाचन केही दिनमै हुने र अरू दलको सहयोग लिएर सरकार बनाउने भएकाले एकताको सन्देश दिन पनि सर्वसम्मत नेता चयनको प्रयास भइरहेको जानकारी दिए।
सञ्चारकर्मीसँग कुरा गर्दै उनले भने, ‘प्रचण्डजीले पनि प्रधानमन्त्री दाबी गर्नुभएको छ। यसलाई पनि हामी स्वाभाविक लिन्छौँ। तर, सबै रूपमा कांग्रेसको नेतृत्व उपयुक्त हुन्छ।'
