जाजरकोटमा सोमबार साँझ भएको जिप दुर्घटनामा नौजनाको मृत्यु भएको छ।
कर्णाली प्रदेश २००१ च ०४२९ नम्बरको जिप छेडागाड नगरपालिका वडा नं ३ जेवाबाट वडा नं ४ को लेवातर्फ जाँदै गर्दा दसेराको बीचमा पर्ने भिरपाटी सडकबाट खस्दा नौजनाको मृत्यु भएको स्थानीय रेशम खड्काले जानकारी दिए।
उनका अनुसार सो दुर्घटनामा परी तीनजना घाइते भएका छन्। मध्यपहाडी लोकमार्गमा भएको दुर्घटनाबारे थप विवरण आउन बाँकी छ। रासस