- वि.सं २o७९ मङ्सिर २१ बुधबार
काठमाडाैं उपत्यका ट्राफिक प्रहरी कार्यालयले २६ वटा सवारीचालक अनुमति पत्र(लाइसेन्स) निलम्बनका लागि यातायात व्यवस्था विभाग मीनभवन पठाएको छ ।
सवारी तथा यातायात व्यवस्था ऐन ०४९ र नियमावली ०५४ बमोजिम चालकले पालना गर्नुपर्ने सर्त तथा नियमहरू पाँचपटक भन्दा बढी उल्लंघन गरेको पाइएकोले सोही ऐनको परिच्छेद ४ को दफा ६० बमोजिम सवारीचालक अनुमतिपत्र निलम्बनका लागि यातायात व्यवस्था विभाग पठाइएको हो।
निलम्बनका लागि पठाइएकामध्ये एक चालकले ३८ पटकसम्म सवारी तथा यातायात व्यवस्था ऐनको दफा १६४ को उपदफा १ बमोजिम कसुर गरेको पाइएको काठमाडौं उपत्यका ट्राफिक प्रहरी कार्यालय रामशाहपथका सहप्रवक्ता अवदेश बिष्ट क्षेत्रीले जानकारी दिए।
